香港隱世奇人系列 - 刀王陳當華
1 2 3 4 5
有膠 有相 無片 無引文
回主頁 我的留名 看圖模式 下頁

Ads:

X 以貌娶人 2010年04月26日 14:19 眼中只有你 #0
http://www.nbweekly.com/Print/Article/10207_0.shtml

http://www.nbweekly.com/UserFiles/fckfiles/2010/04/25/3720bdeae8de405da1cdb13a37019656.jpg

“锋利”也是一件奢侈品,想获得它,要用顶好的钢水手工锻造一把刀,然后用绝顶完美的手艺为它开锋,就这样,你拥有了“锋利”。

吊你磨刀磨到咁撚型都係第一次聽到 [sosad]
引用
X 毒男終結者 2010年04月26日 14:20 眼中只有你 #1
鋒利度 + 1 好似差左d...
引用
X Neo(k1) 2010年04月26日 14:21 眼中只有你 #2
http://www.nbweekly.com/Print/Article/10207_0.shtml

http://www.nbweekly.com/UserFiles/fckfiles/2010/04/25/3720bdeae8de405da1cdb13a37019656.jpg

“锋利”也是一件奢侈品,想获得它,要用顶好的钢水手工锻造一把刀,然后用绝顶完美的手艺为它开锋,就这样,你拥有了“锋利”。

吊你磨刀磨到咁撚型都係第一次聽到 [sosad]


咁撚有霸氣,幫我磨把靚刀收幾錢先:-(
引用
X 所羅.哈德遜 2010年04月26日 14:28 眼中只有你 #3
霸氣
引用
X 死馬當活馬超 2010年04月26日 14:36 眼中只有你 #4
#good#
引用
最頂 回主頁
X 福音戒毒 2010年04月26日 14:36 眼中只有你 #5
佢好撚堅
當年受邀去孖人牌總公司
d磨刀技術令班鬼佬大開眼界
引用
X 大夫無私膠 2010年04月26日 14:57 眼中只有你 #6
男人的浪漫:~(
引用
X 后羿射溢 2010年04月26日 15:40 眼中只有你 #7
佢好撚堅
當年受邀去孖人牌總公司
d磨刀技術令班鬼佬大開眼界

#adore# #adore#
孖人牌都大開眼界,咁都幾堅
引用
X 水箭龜苓膏 2010年04月26日 15:57 眼中只有你 #8
#adore# #adore# #adore#
引用
X MALCOLM_X 2010年04月26日 16:08 眼中只有你 #9
陳枝記?_?
引用
最頂 回主頁
X 機利臣 2010年04月26日 16:08 眼中只有你 #10
#adore# #good#
引用
X 若怒死苦 2010年04月26日 16:24 眼中只有你 #11
#adore#
引用
X 福音戒毒 2010年04月26日 16:27 眼中只有你 #12
佢好撚堅
當年受邀去孖人牌總公司
d磨刀技術令班鬼佬大開眼界

#adore# #adore#
孖人牌都大開眼界,咁都幾堅


鬼佬識西磨刀咩[sosad]
你睇d西餐大廚拎個19磨刀器chuk兩下就叫磨好:o)
引用
X 原點 2010年04月26日 16:41 眼中只有你 #13
好有霸氣@_@
引用
X 原點 2010年04月26日 16:42 眼中只有你 #14
「雙立人」請他去指導之後,還想專門開一條生產線,重金邀請他去指導。「我當時跟他們說,他們的刀切菜切肉沒問題,但是經我磨過,可以剃鬚。老外不相信,我當場就磨給他們看,然後在他手上一過,手毛全沒了。那老外當場眼淚就下來了。之後就把我當神一樣招待了。」華叔得意地笑著。
引用
最頂 回主頁
X MPTP 2010年04月26日 16:56 眼中只有你 #15
#good#
刀係男人既浪漫之一[slick] [slick] [slick]
引用
X 炒公仔面好食 2010年04月26日 17:01 眼中只有你 #16
平價刀貴價刀剛性好不同,貴刀保養得十年成問題,我都把西餐菜刀用左成5年,不過都是得閒搵舊'磨刀石'自己磨[sosad]
引用
X 炒公仔面好食 2010年04月26日 17:02 眼中只有你 #17
平價刀貴價刀剛性好不同,貴刀保養得好,用十年不成問題,我都有把西餐菜刀用左成5年,不過都是得閒搵舊'磨刀石'自己磨[sosad]
引用
X SuperD 2010年04月26日 17:03 眼中只有你 #18
庖丁解牛
引用
X 仆街二叔 2010年04月26日 17:03 眼中只有你 #19
我想借刀
引用
最頂 回主頁
X 聖莊嬌神 2010年04月26日 17:09 眼中只有你 #20
買把未開既武士刀比佢開得唔得???
輕輕力都斬開鐵O:-)
引用
X 炒公仔面好食 2010年04月26日 17:14 眼中只有你 #21
買把未開既武士刀比佢開得唔得???
輕輕力都斬開鐵O:-)


刀斬鐵好傷刀架O:-)
引用
X 帶頭虧 2010年04月26日 17:15 眼中只有你 #22
#adore#
引用
X 我是傻的 2010年04月26日 17:16 眼中只有你 #23
香港人自己都唔識珍惜
有咩用
引用
X Rubber 2010年04月26日 17:17 眼中只有你 #24
#adore# #adore#
引用
最頂 回主頁
X CHAAA2世 2010年04月26日 17:17 眼中只有你 #25
買把未開既武士刀比佢開得唔得???
輕輕力都斬開鐵O:-)


刀斬鐵好傷刀架O:-)

佢唔係把把刀都肯磨
武士刀一定唔撚會幫你磨
引用
X 帶頭虧 2010年04月26日 17:18 眼中只有你 #26
最近好似有套節目訪問過佢#adore#
引用
X Rubber 2010年04月26日 17:19 眼中只有你 #27
買把未開既武士刀比佢開得唔得???
輕輕力都斬開鐵O:-)


刀斬鐵好傷刀架O:-)

佢唔係把把刀都肯磨
武士刀一定唔撚會幫你磨

叫得奇人 絕對唔會為錢幫你磨刀 #good#
引用
X CHAAA2世 2010年04月26日 17:20 眼中只有你 #28
磨刀,是一種古老又瀕臨失傳的技藝。 幾塊磨石,一雙巧手,就能替一把好刀開竅,幫一柄廢刀重生。 只是這技藝,從來卑微。 沒有系統地傳授,也沒有人想過要好好保存。 年輕的,怕苦怕捱沒人入行;年老的,技術隨著生命消逝。 加上機器打磨取代人手,劣幣驅良幣,久而久之,人人鈍當作利,早已不知鋒為何物了。 磨刀行業,也大江東去,日漸式微。 真正能把一柄刀磨得鋒利閃爍者,幾稀矣! 幾稀,不代表沒有。至少在我們的城市裏,還有一位。

走進佐敦廟街、寶靈街交界的鐵皮攤檔叢中,有一間二三百呎的賣利器小鋪,人走進其中,一股寒氣襲面而來。 光燦燦的白燈光管飾櫃內,盡是各式各樣的刀具、鉸剪。 狹小的鋪面,堆滿一箱箱一盒盒的貨。 擁擠的店鋪,獨欠一個看鋪的人。 「喂!有人嗎?」一個在等的師奶客人問。奇怪!仿如空城,沒人回應。 然而,細心聽聽,卻發現一些細小的砂砂聲響,從收銀的檯下發出來。 探頭一看,赫然見到一個老人家,屈身躲在櫃檯底下,亮著一盞燈在磨刀。 「邊個呀?」老者從櫃底鑽起身站起來問。

磨刀要排三個月,等得就等!

「阿伯,係咪幫人磨刀呀!呢兩把刀,磨番要幾錢?」 客人亮出一把文武刀,一把西廚刀。 他接過刀,瞄一瞄,皺起眉頭,指著旁邊櫃頂上一塊手寫告示牌說:「唔得閒磨呀!睇唔睇到呀,而家排隊都要排到三月,你等得就擺低啦!」 「三個月?唔係下嘩?」師奶把眼瞪到快要跌出來。 「乜唔係呀,你睇下,呢d等住磨(瞄著櫃底)、個d又等住磨(望住櫃頂),仲有地下一大堆,上海、廣州速遞過黎既,大把野等住做,邊得閒接你呢?」 師奶聞言,悻悻然回敬一句:「哦!唔得閒算,磨刀之嘛!出面大把人識啦。」 「係呀!洗米煮飯夠大把人識咯,不過煮出黎既飯有d好食有d唔好食呢。」他說。 師奶語塞,不發一言離開。
引用
X CHAAA2世 2010年04月26日 17:20 眼中只有你 #29
呢d正一不鏽鐵,o徙我心機!

老人家,七十七歲,名叫陳華,正是陳華記的主人。 他就是這樣一個性格人物,來過佐敦這小鋪幫襯過他的,或多或少都領教過他的脾氣。 「唔係寸,我磨一把刀,唔同人地求求其其車兩車。而家d大刀廠,出廠係咁意用機車車就叫開鋒。我磨刀,要用九o舊石,起碼四十五分鐘,成擔心機,我都唔知收你幾錢好。而家d人?一味貪平,好似個d刀都唔使一百蚊,我收番你一百蚊,你又話我掠水。呢d刀,鋼都冇,正一不鏽鐵黎,磨左盞o徒我心機。」他滿腹牢騷說。 華叔擅長開鋒及磨刀,所謂開鋒,就是新刀買回來把刃口磨利的程序。而磨刀,就是刃口用鈍以後,再重新砥礪成鋒利的狀態。 華叔做生意,很有性格,幫襯買刀者,免費開鋒,以後來磨,每次五十。外來開鋒或礱礪者,看刀而論,他肯接的,幾十、幾百到幾千都有。 別以為過百元磨一把刀好貴,華叔在櫃桶隨手揚出一疊單,全是幫襯他磨刀的收據,收三四百銀大有人在,最貴的,六百元磨一把刀也有。 「幫襯得我既都係識刀之人,拿!好似呢把係好野黎既,孖人牌斬骨刀,幾十年前出廠,係老師傅人手打既,拎上手就知,墜力平均,重心集中,唔使用力係咁意放落去都切得開野。

絕種o架勒!老師傅都死晒咯!

自從孖人牌轉晒機做已經做唔番呢d水準咯,你睇d鋼水靚到……」 他一面說,一面撫著刀身,憐惜得像撫摸著一個心愛的人。 刀講鋼水,愈堅硬的鋼,磨出來的鋒口才夠鋒利。然而,鋼愈堅硬,磨刀的人愈費勁愈費心神。 「o徒心神但係唔覺辛苦個喎!人地做把咁好既刀出黎,你幫佢磨到鋒利,咁咪好似畫龍點睛咁囉!呢d係高手過招,叫做識英雄重英雄!」他拿著刀咇喱巴啦說。
引用
最頂 回主頁
X CHAAA2世 2010年04月26日 17:21 眼中只有你 #30
以為用對眼睇呀?磨刀聽聲o架!

華叔自言生出來就愛磨刀,磨刀還緊要過老婆。常揚言「你叫我唔磨刀返屋企我寧願死左佢!」 他一生跟利器有緣,自細就跟做裁縫的父親磨鉸剪,嘗過鋒利的滋味,一試難忘。 「剪到霎霎聲,條線又直,好有快感o架!你未試過冇得講,試過就知。」 九歲時父親病逝,他正式投身刀業,由梅縣大埔鄉下出廣州跟人學做刀,後來下了香港,騎著單車沿街招徠,好不容易才有自己的鋪,一身經驗,都是捱出來的。

「以前學師好慘o架!學四年,頭兩年淨係掃地、省階磚。師傅見你態度好,至會俾你學省刀,一塊鐵板,用水石車滑佢,成頭成面成口都係鐵碎,磨完要吐番出黎……」

那時學做刀,是整套的功夫。熔鑄、錘打、淬煉、磨滑、開鋒,各部都要學,學師四年,對刀的質地狀態也瞭如指掌,之後,就因應個人資質分科精研專攻,年輕的華叔,就選了磨刀。 「磨刀最難,講氣力、講耐性、講心機,講經驗,仲要講隻耳仔好唔好,個心清唔清。」華叔說。 磨刀講耳仔?講個心?真是第一次聽。 「挑!你都唔識,以為用對眼睇呀?我地磨刀聽聲o架!你亂咁磨,把刀鬼殺咁嘈o架!磨得愈利,把刀愈靜,靜到一個地步,連耳仔都聽唔到o架!要用個心至感應到佢得未。」嘩!真是盲俠聽聲劍咁神奇!
引用
X CHAAA2世 2010年04月26日 17:21 眼中只有你 #31
磨刀唔係用死力o架,傷身又傷刀!

他見我半信半疑,索性即席示範。 只見他抽出一柄一般家用廉價文武刀,就鑽進櫃底的架步開工。 「吱吱吱吱吱………」一陣吵耳的聲音響起。 「拿!要先用粗砂輪打走刀鋒捲曲既部分。」 他仰起頭說罷,拿著車過的刀,走到旁邊另一個用木方成的架步。架步旁,放了一個盛了水的水桶。架步上,放了一塊磨刀用的油石,他在刀鋒上唧一點潤滑油,就霎霎霎的磨起來。 「磨刀佬最緊要係呢幾舊石,磨刀冇石,任你曉飛都冇用啦!不過渣既磨刀石係磨壞刀,我d磨刀石,過萬蚊一塊都有,全部天然石,由粗至幼,密度愈來愈高。 初初係磨利,然後磨鋒,最後係收口。磨得利唔利、磨唔磨到鋒、收得靚唔靚,講功夫,冇得教既!」 只見他氣定神閒,一時把刀斜放,一時把刀水平,橫橫直直、前前後後,運起雙手在磨刀上上盤旋滑行。 「刀刃分公o架,切野貼肉個邊係公,另一邊係,角度唔同,唔同磨法o架!磨得唔好,切肉會黐刀o架…… 磨刀唔係用死力o架,用死力傷身又傷刀,要用陰力,加埋呼吸,你睇,我磨左六十幾年,手枕都冇一塊。」他伸出手來給檢查,果然滑不溜手。 刀磨磨停停,石轉了又轉,計一計數,輾轉轉了九塊,去到尾聲,刀刃發出的噪音果然愈來愈微弱,他側著耳留心聽,未幾,接近磨完,歷時約四十五分鐘。
引用
X 一Q八四 2010年04月26日 17:21 眼中只有你 #32
引用
X CHAAA2世 2010年04月26日 17:21 眼中只有你 #33
利係短暫既,鋒先至持久!

「刀唔磨呢,係廢鐵!任你把刀鋼水幾靚都冇用。磨刀呢家野,係中國人既絕技。 日本人得中國真傳,又肯研究,都好叻。呢!鬼佬就唔識磨刀既,都唔知乜野係開鋒。有一年孖人牌請我去德國交流,我話你呢張刀而家切菜切肉都得,但係俾我開過鋒,可以用黎剃鬚。鬼佬唔信,我磨完俾佢試,一刮,成隻手冇晒毛!哈哈哈……」他如幻似真的笑,但牆上,的確掛著他和德國名廠金鼠牌和孖人牌高層的合照,時維1997年。 「拿!磨完,呢把刀點左睛o架勒!」 他說罷,隨即作了一個驚人舉動,只見他揚起刀,一刀朝自己的頭劈下,森然的刀鋒,落在他的頭髮邊上,眼見就要頭破血流之際,刀竟驀然停住了。 「世侄!呢d就叫做軋髮勒!想知把刀夠唔夠鋒,唔使摸既,放落頭髮度,有鋒既刀會軋住頭髮,無鋒既自然會跣落黎,我地學師個陣,師傅教落既。」華叔碌大雙眼說。 他見我滿臉驚愕,意猶未盡,笑吟吟拿出一張A4紙,一手拈著,一手斜刀凌空一削,擦~~~擦~~~~ 一條厘米不到的幼紙,隨著刀削聲脫出來。 「使乜講?我開過鋒既刀,切番茄都唔會滴汁呀!」 切番茄都唔會滴汁?那不是媲美坊間大熱的陶瓷刀? 「A!千祈唔好同陶瓷刀比,一個天一個地。陶瓷刀係假利,呢d係真鋒!」他煞有介事糾正。 「又有新名詞?甚麼是假利?甚麼是真鋒?」 「假利係短暫既,用用下好快就唔利。真鋒,係持久既,只要用得其法,保存得好,用幾十年一樣咁鋒利,你睇個d出土名刀?幾千年都仲咁犀利。」 啊!他的話,不期然教我想起干將、莫邪。吹髮即斷、削鐵如泥,原來不是神話裏的故事。
引用
X CHAAA2世 2010年04月26日 17:21 眼中只有你 #34
用刀人語

陳華記的客人,來自五湖四海,尋常師奶少,消費力強的優質客多。專業廚子、懲教署高官、製衣廠老闆……買一把刀,動輒千元。他們都是嘗過鋒利,不能自拔的人。追隨多年、死心塌地、不惜金錢,是迷、也是發燒友。

小心,鋒利係會讓人上癮既。 恆哥

49歲的恆哥,追隨華叔超過十年,是陳華記頭號fans。 「買刀度度一樣,有錢就得。但開鋒就唔係人人做到,講開鋒技術,外間冇一個人及得華叔,有錢都買唔到。」他說。 他不是專業廚子,郤對廚刀著迷。十年前,路經陳華記,買了一把華叔開鋒的刀後,便像勾了魂一樣,上了鋒利癮。 自此,外頭的刀,他看不上眼,他個個星期都會去陳華記,傾傾買買,切磋切磋,華叔又會教他磨刀技巧,不知不覺,已買了幾十把刀,西廚刀魚生刀火腿刀片刀斬骨刀摺刀都有,使了過萬元,放到一屋都是。 「我都唔明d人,買衫買鞋就捨得,磨刀就唔捨得。工欲善其事,必先利其器,其實一把鈍刀危險過一把利刀,張刀唔利,咪要用力幫忙囉,一用力,就容易跣刀,咁就切親手啦!」他說。 他以一柄德國製的金鼠牌西式廚刀作示範,這刀長十二吋,人手淬煉,精鋼打成,已經開鋒。 只見他左手按著番茄,右手把刀輕輕一放一拖,寒光抹過,軋的一聲,一片一毫米不到的番茄片,完好無缺,滴汁不滲,乾淨利落給切出來。 之後他切牛肉,軟腍腍的肉塊,甚難食力,他輕輕一拉,透光的肉片,沿著刀邊整片脫了出來。 「拿!呢d就叫鋒利勒!切落去有滿足感既。點講呢……即係你切一條魚、一塊肉,幾厚幾薄、乜野形狀、乜野角度係由你話事既,唔係條魚同塊肉話事既,隨心所欲,呢d就係滿足。」 他本來不多入廚,現在經常出入廚房,剖魚片肉、斬瓜切菜,飯也煮多不少。 「係呀!買鯇魚,我專登成條買返黎,自己起皮拆骨切肉,試試把刀既性能,好過癮。」 因為刀,他變成賣魚佬,煮飯公,連生活也改變了。
引用
最頂 回主頁
X CHAAA2世 2010年04月26日 17:22 眼中只有你 #35
我專登係加拿大返黎買刀! 何太

「華叔!好耐冇見!講樣好笑野你聽!我個仔個鬼佬老師試過上次張刀,問佢張刀邊度磨,仲話俾幾百蚊我個仔,叫佢幫佢磨到一樣咁利喎!」何太一進店,就熟落地和華叔打招呼。 她是加拿大人,兒子在溫哥華廚藝學校攻讀西廚課程,幾年前她回港,聽人介紹來替兒子買刀,回去給兒子一用,洋教授大為震驚,陳華記從此名揚加國溫市廚藝界。 「佢個老師都搭我返黎買刀呀!鬼佬唔識用磨刀石磨刀o架!佢地用條棒擦下擦下,邊得?」 她說罷,連隨打電話到加拿大兼落柯打。 「幾多話?哦!三把柳薄郎,得啦!下!記得問候華叔下嘩!華叔,我個仔問候你喎!哈哈哈……」
引用
X CHAAA2世 2010年04月26日 17:22 眼中只有你 #36
我屋企既刀都交晒俾佢! 謝太

在華叔的店中偶遇謝太,她是香港人,在天津開製衣廠,中港兩地走。廠裏的鉸剪,都交給華叔磨鋒。 「我地做製衣,把剪利唔利很重要,剪出黎要直、要順,歪少少件衫就報銷o架勒。華叔磨鉸剪最厲害,利不特止,兩邊剪鋒既角度近乎完美,呢種磨鉸剪功夫,國內既師傅都唔夠華叔好。」她說。 她幾年前開始幫襯陳華記,最初只是磨鉸剪,後來索性連家裏的廚刀都全部拿來磨。 「工欲善其事丫嘛!小心呀!你幫襯過就返唔到轉頭o架勒!」她笑說。
引用
X CHAAA2世 2010年04月26日 17:22 眼中只有你 #37
我黎買刀,佢叫我早do抖! 陳生

佐敦街坊陳生,是陳華記十幾年老顧客,閒來無事都會下來打牙骹,不一定幫襯。 「喂!華叔!我呢排喉乾,個人又燥,有乜解救?」他問。 「有火呀!朝早起身,沖一杯暖蜜糖水。晚頭黑煲湯,豬『月展』、南北杏、漳州雪耳,記得落兩隻天津鴨梨。早d訓啦!仲十八廿二呀?」華叔語重心長說。 「哎也!呢樣最易!我好早訓o架勒!睇完波天矇光就訓。」他一臉得戚說。 「X%Y@*Z」華叔連爆一串粗話。 無聊對話說完,最後老陳買了兩柄金鼠牌廚刀,又過千。啊!醉翁之意原來不在酒。
引用
X 河畈叛火 2010年04月26日 17:22 眼中只有你 #38
唔得閒磨呀!睇唔睇到呀,而家排隊都要排到三月,你等得就擺低啦!

這是霸氣! :-[
引用
X poorhuman 2010年04月26日 17:23 眼中只有你 #39
@_@
引用
最頂 回主頁
X 我是傻的 2010年04月26日 17:25 眼中只有你 #40
唔得閒磨呀!睇唔睇到呀,而家排隊都要排到三月,你等得就擺低啦!

這是霸氣! :-[


睇住啲串友真係勁
你真係冇嘢可以講
引用
X 堂堂武狀元 2010年04月26日 17:26 眼中只有你 #41
用條棒擦下擦下:P
引用
X AirSupply 2010年04月26日 17:28 眼中只有你 #42
大家睇華叔講野就feel到香港人舊時果種執著同風骨
真係老老實實唔呃9你, 你唔幫趁我大把單, 唔幫你做

搵人當戲錦拍啦不如
應該好睇[sosad]
引用
X AirSupply 2010年04月26日 17:29 眼中只有你 #43
唔得閒磨呀!睇唔睇到呀,而家排隊都要排到三月,你等得就擺低啦!

這是霸氣! :-[


睇住啲串友真係勁
你真係冇嘢可以講

呢d都唔係串

係你有料到但係見到d唔識既人入黎白撞

即係你係一個絕世廚師有條友入黎問你有冇出前一丁食
你一定趕走佢[sosad]
引用
X AirSupply 2010年04月26日 17:29 眼中只有你 #44
用條棒擦下擦下:P

你夠幼嫁喇啵:o)
引用
最頂 回主頁
X 昭詩 2010年04月26日 17:30 眼中只有你 #45
#hoho# #hoho# #hoho#
引用
X 金格度‧納奧 2010年04月26日 17:32 眼中只有你 #46
好想拜師#adore#
不過我老喇:-(
引用
X CHAAA2世 2010年04月26日 17:32 眼中只有你 #47
唔得閒磨呀!睇唔睇到呀,而家排隊都要排到三月,你等得就擺低啦!

這是霸氣! :-[


睇住啲串友真係勁
你真係冇嘢可以講


挑!你都唔識,以為用對眼睇呀?我地磨刀聽聲o架!你亂咁磨,把刀鬼殺咁嘈o架!磨得愈利,把刀愈靜,靜到一個地步,連耳仔都聽唔到o架!要用個心至感應到佢得未。

呢d真係大師級境界[sosad]
引用
X @斯羅@ 2010年04月26日 17:32 眼中只有你 #48
這就是氣勢.jpg#adore# #adore# #adore# #adore# #adore# #adore# #adore# #adore# #adore#
引用
X @斯羅@ 2010年04月26日 17:33 眼中只有你 #49
唔得閒磨呀!睇唔睇到呀,而家排隊都要排到三月,你等得就擺低啦!

這是霸氣! :-[


睇住啲串友真係勁
你真係冇嘢可以講


挑!你都唔識,以為用對眼睇呀?我地磨刀聽聲o架!你亂咁磨,把刀鬼殺咁嘈o架!磨得愈利,把刀愈靜,靜到一個地步,連耳仔都聽唔到o架!要用個心至感應到佢得未。

呢d真係大師級境界[sosad]
個挑字係係講得好撚型#adore# #adore# #adore# #adore# #adore# #adore# #adore# #adore# #adore#
引用
最頂 回主頁
回主頁 回覆 下頁

1 2 3 4 5

免責聲明 (Disclaimer)
New layout by 芝麻人. Thanks.
Version: 10.07.24.22.1